മത്തായി 6:33

“മുമ്പെ” എന്നതു ക്രമത്തെക്കുറിച്ചുള്ള വാക്കാണു, അനുപാതത്തെക്കുറിച്ചല്ല. രാജ്യം മാത്രം അന്വേഷിക്കുക എന്നോ, മിക്കപ്പോഴും അതു അന്വേഷിക്കുക എന്നോ അല്ല. മുമ്പെ അന്വേഷിക്കുക എന്നാണു — അതായതു ഒരു രണ്ടാമത്തേതും മൂന്നാമത്തേതും ഉണ്ടു, അവ ന്യായമാണു എന്നു അതു കണക്കാക്കുന്നു.

ഈ വേർതിരിവു, പലപ്പോഴും ഈ വാക്യത്തിനു കിട്ടുന്ന ഒരു തെറ്റായ വായനയിൽനിന്നു അതിനെ രക്ഷിക്കുന്നു. ഭക്ഷണത്തെയും വസ്ത്രത്തെയും കുറിച്ചു യേശു ഏതാനും വാക്യങ്ങൾ ചെലവഴിച്ചതേയുള്ളൂ; അവ പ്രധാനമല്ല എന്നു അവൻ പറയുന്നില്ല. “ഇതൊക്കെയും നിങ്ങൾക്കു ആവശ്യമെന്നു സ്വർഗ്ഗസ്ഥനായ പിതാവു അറിയുന്നു” എന്നാണു പറയുന്നതു. ആവശ്യങ്ങൾ യഥാർത്ഥവും അംഗീകരിക്കപ്പെട്ടതുമാണു. തിരുത്തുന്നതു ക്രമമാണു, പട്ടികയിലെ ആവശ്യങ്ങളുടെ സാന്നിദ്ധ്യമല്ല.

ക്രമം പ്രധാനമാകുന്നതിനു ഒരു പ്രായോഗിക കാരണവുമുണ്ടു. നീ ഒന്നാമതു അന്വേഷിക്കുന്നതു എന്തായാലും അതു മറ്റുള്ളവയെ തീരുമാനിക്കുന്നതായി മാറും. സുരക്ഷിതത്വം ഒന്നാമതു വെച്ചാൽ അതു നിശ്ശബ്ദമായി നിന്റെ ജോലിയെയും സൗഹൃദങ്ങളെയും നീ പറയാൻ തയ്യാറാകുന്നതിനെയും നിശ്ചയിക്കും. അതു സ്വന്തം അതിരിൽ ഒതുങ്ങിനില്ക്കില്ല. ഒന്നാമതു പോകുന്നതു ഭരിക്കുന്നു.

ചേർത്തിരിക്കുന്ന വാഗ്ദത്തം മനഃപൂർവ്വം ആർഭാടരഹിതമാണു: ഇതൊക്കെയും നിങ്ങൾക്കു കൂടെ കിട്ടും. സമൃദ്ധിയല്ല. അതേ പട്ടികതന്നെ — ഭക്ഷണം, പാനീയം, വസ്ത്രം — വേറൊരു വഴിയിലൂടെ വരുന്നു. യേശു ലക്ഷ്യം ഉയർത്തുന്നില്ല; അതു നേടേണ്ട ഉത്തരവാദിത്വം ആർക്കാണെന്നു മാറ്റുന്നു.